Har du mista fuglen din?

I 10.30-tida torsdag landa ein undulat på rekkverket på terrassen til Cathrine Hylland, som bur i Austre Lurane nær Os sentrum.

– Fuglen var tam og eg fekk tatt han med innandørs, fortel Catrine, som no etterlyser eigar.

– Eg har lagt ut etterlysing nokre stadar på Facebook, førebels utan resultat. Kanskje nokre av Midtsiden sine lesarar veit kven sin denne er, undrast ho.

Oppdatert: Eigar har meldt seg og fått undulaten tilbake. Fuglen høyrer heime på steinneset, og hadde med andre ord ikkje flydd så langt.

Fuglen var tatt innandørs og finnar heldt vindauga stengt fram til eigar kom og henta den.