Hanne sitt bidrag til peparkakebygda
Hanne Hansen hos Liens leverer hus i år òg.
Bildeserie:
Peparkakebygda i Os blir i år i Apotek 1 sine lokale i Brugata.
Frå i dag er det ankomst av peparkakebygg frå privatpersonar, barnehagar og skular.
Konditor Hanne Hansen, som i fjor leverte eit imponerande eksemplar av Os kyrkje, har i år funne eit anna ikonisk bygg å kopiera.
– Eg hadde først lyst å laga familien Walle sin bustad i Postvegen, eg liker det huset veldig godt. Men eg er ikkje så flink på proporsjonar, så då blei gamlebanken enklare, seier Hanne.
Nokon enkel versjon leverer ho likevel ikkje, alt frå taket til utelykter er i ein divisjon for seg sjølv.
Eigar og tilsett skifta plass
Hanne har jobba som konditor i rundt 20 år, og dreiv Hanne's Konditori og Musikkbar frå april 2017 til mai 2019.
Kristine Lygren Lien har overtatt som eigar, men Hanne driv framleis som konditur i kafeen.
• Les òg: Gode dagar og gode kveldar for ny drivar
I år er det kortare transportetappe for det store peparkakehuset, men damene hos Liens kvir seg allereie litt til å bera det skjøre byggverket.