Hamna på kanten

Midt på dagen tysdag hamna ein bil utfor vegen i Storumbakken retning Lepsøy. Turen gjekk vidare over eit skilt og opp på ein mur, der bilen blei ståande.

- Verken sjåføren eller passasjeren blei skadd, fortel mannen til kvinna som kjørte bilen.

Han sto på staden og dirigerte trafikken forbi medan han venta på redningsbil frå Viking.

Det skal ikkje ha kome bil imot i forkant av utforkjøringa.

- Det var glatt i vegen då ho kjørte utfor, det var etter at det hadde byrja å snø, men før brøytebilane hadde vore forbi, fortel han.