Hamna oppå autovernet
– Bilen sto på vippen, men førar kom seg ut på eiga hand.
Tysdag i 12.50-tida fekk Midtsiden melding om trafikkuhell på Fanafjellet.
– Bilen sto sånn då eg kom til staden. Bilførar, ein eldre mann, sat bak rattet, men kom seg ut utan hjelp, fortel innringar.
Han skal ha vore åleine i bilen, og uskadd.
– Han forklarte at han hadde møtt ein buss, og måtte rygga for denne. Rygginga gjekk ikkje så bra, og bilen blei ståande å vippa.
Det skal ha vore fleire hjelpsame medtrafikantar på staden.
– Dei sa dei skulle hjelpa med å varsla og kontakta bilberging. Eg hadde det travelt og køyrde vidare.
Verken vegvesenet eller politiet har lista hendinga i sitt varslingssystem via Twitter. På Google Maps si trafikkovervaking ser trafikken ut til å flyta fint over Fanafjellet.
