Hamna i arresten på morgonkvisten

Politiet har få notat frå Os natt til syttande, men litt før klokka 05.30 på morgonen fekk dei litt å ta tak i.

– Det er uvisst kva som skjedde i forkant, men då politiet kom så skapte han seg vanskeleg, hissa seg opp og blei etterkvart fysisk, fortel Arve Samsonsen, operasjonsleiar i Vest politidistrikt.

Mannen, som er i starten på 20-åra, blei lagt i jern og køyrd til arresten i Bergen. Han blir òg meldt for vald mot offentleg tenesteperson.

– Blir han dimittert no på formiddagen?

– Nei, han går nok glipp av feiringa i dag, seier Samsonsen.