Lokal | 04. sep. 2018
Hærverk på Nore Neset
Ei rute er knust og eit pulverapparat er tømt rundt det tidlegare barnehagebygget.
Kjetil Vasby Bruarøytysdag 04. sep. 2018 09:23
Bildeserie:
1 av 2
Måndag klokka 20.46 fekk Os brannvesen melding om kvit røyk frå eit barnehagebygg i Skeisleira.
Brannvesen og politi rykte ut til staden.
– Det var ingen brann, men nokon har tømt eit pulverapparat på baksida av bygget, noko som på avstand kan ha sett ut som røyk, seier varabrannsjef Arne Monsen.
Ei rute i ei dør er knust, og pulverapparatet kan ha vore stole frå innsida av barnehagen.
Politiet har til no ikkje vore tilgjengelege for kommentar.
Det er Os kommune som eig bygget, som var barnehage fram til nytt bygg sto klart tidlegare i år.
Tysdag morgon var teknisk eining på staden for å få oversikt over skadene.