Lokal | 07. feb. 2013
Hærverk på bil i Askvik
Politiet er interessert i tips etter at ein bil er utsett for både hæverk og innbrot.
Kjetil Vasby Bruarøytorsdag 07. feb. 2013 10:01
Onsdag fekk politiet melding om hærverk på bil i Askvik.
– Hærverket skal ha skjedd natt til onsdag. Det er også snakk om innbrot og tjuveri frå bilen, men eg har førebels ikkje fått liste over kva som er sakna, seier politioverbetjent Terje Sperrevik.
Ei rute i bilen er knust. Også frontlyktene og grillen er skadd.
– Det skal ha vore litt bråk på Askvik denne natta. Om nokon har fått med seg kva som har skjedd, eller har mistanke om kven som står bak, er vi svært interessert i tips, seier Sperrevik.