Gut mistenkt for promillekøyring - også kameraten er meldt

I 05-tida natt til torsdag blei ein bil stoppa i Os sentrum.

Bilførar, ein gut i slutten av tenåra, er mistenkt for promillekøyring.

– Han bles til over lovleg promillegrense, opplyser politioverbetjent Martin Nordeide.

Bilførar har dessutan ikkje gyldig førarkort.

Det var éin passasjer i bilen, ein kamerat av bilførar.

Han er jamgamal og har førarkort. Det blei ikkje tatt beslag i førarkortet hans, men han er meldt for «overlatelsesmedvirkning».

Det blei utført avhøyr av partane på staden og tatt blodprøve av fører.

Dette er andre gong denne veka at ein ung bilførar blir mistenkt for promillekøyring. Sist var natt til måndag. Der hadde vedkomande førarkort.