To gull og VM-billett
Are Strønen vann to gull i nordisk. Os tok til saman 12 medaljar.
Os Handbakklubb hausta laurdag rikeleg med medaljar i nordisk meisterskap i handbak. Både Arne Thuen, Frode Veim Haugland og Are Strønen blei nordisk meister.
- For Are, som gjorde det best av oss og tok gull med både venstre og høgre arm i -110 kg, var det ekstra kjekt, seier Tore Matre.
- Medan eg, Arne, Frode og Ronny allereie er tatt ut til VM i Las Vegas seinare i år, var ikkje Are kvalisfisert før no.
9 i fjor, 12 i år
I 2009 tok Os Handbakklubb 9 medaljar i nordisk, i år blei det 12.
- Hanne Lise Kvamsdal var einaste jente og einaste juniorutøvar vi hadde med oss. Ho tok sølv med både venstre og høgre arm i -50 kg.
Sånn gjekk det med dei andre:
Arne Thuen (master -90 kg)
Gull i høgre
Frode Veim Haugland (-85 kg)
Gull i høgre, sølv i venstre
Øyvind Birkeland (-100 kg)
Sølv i høgre
Ronny Bruarøy Risøen (-90 kg)
Sølv i venstre
Tore Matre (-100 kg)
2 x bronse
Jan Rune (-65 kg)
Bronse i høgre
Asle Kvamsdal (-100 kg)
2 x 5. plass
Kent Remi Kvamsdal (-100 kg)
4. plass i høgre, 6. plass i venste