Guitarheroen!
Du kan sjå når nokon elskar det dei held på med. Hans-Marius Johnsen elskar utan tvil å spela god gitar.
Bildeserie:
Laurdag kveld sleppte HM Johnsen debutalbumet «Chased» med utseld konsert i Griegsamlingen i Oseana.
– Eg bestemte meg for at eg ville gje ut plate, men eg skulle ikkje ta pengane frå eiga lomme. Det har eg klart, takka være 36 sponsorar, kor 24 av dykk kjem frå Os.
– Til saman 130 000 kroner har de gitt meg for å gje ut plata. Eg er så utruleg takksam. Tusen tusen takk alle saman! helsa Hans-Marius frå scenen.
Ni låtar og sju gitarar
På scenen hadde han med seg Kjetil Osablod Grønvigh, Kim Gulbrandsen og Jeroshan Daniel Alexander i bandet, Stine Kobbeltvedt, Hege Varhaug-Lekven og Lise Renee Aase i koret og heile sju gitarar.
• Les òg: HM Johnsen sin tropp til platesleppet
Det ni låtar lange albumet blei spelt frå A-Å og det let og var variert. Alt basert rundt Hans-Marius sitt gitarspel. Ikkje feil i det heile tatt, når ein spelar gitar som ein helt.
Det nydelege lydbilete blei rutinert styrt av ikkje ukjende Paul Inge Vikingstad bak mixepulten.
Ståande applaus
At publikum likte det dei fekk sjå og høyre er det liten tvil om. Konserten avslutta med ståande applaus, platesignering og godord.
– «Fy f... han er flink.», «Eg er heilt imponert, at det går an» var ord som gjekk att når folk var på veg heim. Og det har dei heilt rett i. Hans-Marius, og bandet, imponerte, berre så synd at Griegsamlingen fungerte dårleg til denne typen konsert. Det gav ikkje HM Johnsen rettferd.