Grønt lys for felles fyrverkeri
Er ferdig finansiert, men påfyll via Spleis gir meir smell.
Før jul jobba Pro Pyro med å undersøkja om det var interesse for å spleisa på eit stort fellesfyrverkeri i Os hamn igjen.
– Det såg bra ut heile vegen, og no er det stadfesta. Vi er i mål og køyrer fyrverkeri i Os hamn første nyttårsdag, seier Fredrik Røttingen.
Fyrverkeriet startar klokka 18 søndag 1. januar.
– Sparebanken Vest, Bjørnafjorden Næringsråd og oss, Pro Pyro, er største sponsorar. Sparebanken Vest er klart størst, i tillegg har ei rekkje andre firma kome med bidrag, og nokre privatpersonar.
Spleisen står open til ut på dagen nyttårsaftan.
– Alt som kjem inn frå no av er med på å gjera fyrverkeriet større, seier Røttingen.
Riggen blir på moloen på Steinneset. Hugs at det kan vera lurt å vera ute i god tid, spesielt om du kjem med bil.
