Grillfest enda i grøfta
Ein mann frå Latvia kjørte både moped og bil med promille, mopedturen enda med utforkjøring og skadd passasjer. No må han vera heile fire år utan førarkort.
I august i fjor skulle mannen, som er i slutten av 30-åra, kjøra ein kollega heim frå ein grillfest. På moped.
Turen enda i ei grøft i Os og passasjeren fekk ope brot i foten. Sikta varsla ikkje om ulykka, men gjekk heim og la seg og søv då politiet kom på døra.
Ulykka skjedde i 3-tida natt til laurdag 18. august. Blodprøve tatt klokka 6 same morgon viste ein alkoholkonsentrasjon på 1,11 promille.
Kjørte bil med 2,2 i promille
I 21.30-tida torsdag 2. mai i år blei same mann stoppa på Ulvenvegen.
Blodprøve tatt ein time seinare viste ein promille på heile 2,24.
Fire år utan førarkort
I slutten av august var saka hans oppe i Nordhordland tingrett, der han både var sikta for to tilfelle av promillekjøring, for å stikka frå ulykkesstad med personskade utan å varsla politiet og for å kjøra med passasjer over 10 år på moped.
Sikta tilsto i retten og blei dømt til å betala 25.000 kroner i bot og til å tola inndraging av førarkortet i heile 4 år.