Grasbrann i Hegglandsdalen
Brannvesenet rykte fredag ettermiddag ut til grasbrann i Dalen..
Fredag klokka 16.15 i dag sendte brannsjef Stein Gjøsund melding om stor gras- og lyngbrannfare i Os.
Vi rakk ikkje publisera åtvaringa før alarmen gjekk - 40 minutt seinare kom nemleg melding frå Hegglandsdalen.
– Vi er på veg til grasbrann i Hegglandsdalen nær Eidsbrekka, sa varabrannsjef Arne Monsen klokka 16.55.
Brannvesenet har klokka 17.10 nett kome til staden. Brannen er nær ungdomshuset i Dalen.
– Vi er i ferd med å starta sløkkearbeidet, eg har førebels ikkje oversikt over kor stort område som står i fyr.
Det har vore større grasbrannar fleire stadar i Hordaland i dag.
– Brannen kom raskt under kontroll og er no sløkt. Rundt tre mål er svidd av, seier Monsen klokka 17.28.
Eit bål var utgangspunktet. Politiet er på staden og snakkar med bålbrennaren, brannvesenet med vaktlag på seks mann held på å pakka saman.