Lokal | 07. okt. 2013
Grå start, fin helg
Haustferien startar med gråvêr og regn, men fortvil ikkje. Frå torsdag blir det nydeleg.
Andris Hamremåndag 07. okt. 2013 08:43
Skulane har haustferie, og mange hadde nok håpa å kunne kose seg ute i finvêr, men slik blir det ikkje. I allefall ikkje starten av haustferien.
Måndag til onsdag melder meterologane om regn, regn og meir regn, men temperaturane held seg på 12-14 grader og det blir ikkje så kraftig vind, frå 3 til 8 m/sek.
Nydeleg helg
Når vi kjem til torsdag er det berre å gle seg. Regnet forsvinn og vi får ei fin avslutning på haustferien med sol frå skyfri himmel, både torsdag, fredag, laurdag og sundag.
Temperaturen fell littegrann. Meterologane trur den kjem til å bli mellom 4-10 grader, vindstyrken roar seg òg utover i veka til praktisk talt vindstille i helga.