Godt nøgd etter kontroll på Halhjem
Vegvesenet delte ut to gebyr, men gir ros for resten av det dei såg.
Statens vegvesen hadde onsdag kveld tungbilkontroll på Halhjem fergekai.
Totalt var 25 tunge køyretøy innom kontrollplassen.
– Alle desse vart kontrollert for begjæringar og vinterutrustning, fortel Knut Sylta frå Statens vegvesen.
21 av desse 25 blei det tatt ein nærmare kontroll på.
Det blei 5 mangellappar for ulovlege markeringslys i front, éi åtvaring for brot på køyre- og kviletid og eitt gebyr på 1000 kroner for brot på køyre- og kviletid. Her fekk også firmaet eit gebyr, dette gebyret er på 2000 kroner.
Eitt firma blei rapportet inn til foretakskontrollen grunna brot på køyre- og kviletid.
– Dei aller fleste vi kontrollerte i kveld hadde ting i orden.
– Alle hadde også gode dekk og korrekt mengde kjettinger med seg, og totalt sett er vi veldig nøgde med kveldens kontrollresultat, skriv Sylta i rapporten sin.
