- Godt med gull
Iceabella var ikkje nøgd med sølvet i folkeswing, men NM-gullet i bugg smakte godt for paret frå Os.
Bildeserie:
Under NM i swing i Fauske i helga gjorde Iceabella Johansen og Sindre Spilde god figur. Som tittelforsvararar i folkeswing hamna dei i A-pulja med resten av elitedansarane.
- Det var rundt 15 par i pulja, medan resten var i B-pulja. 7 av oss gjekk vidare til finale, fortel Iceabella.
I finalen gjekk det nesten så godt som det kunne gå. I nissekostyme swinga dei seg inn til sølvmedalje.
- Det var litt irriterande å ikkje forsvara tittelen, heldigvis tok vi det igjen i stilarten bugg, som vi har satsa mykje på det siste året.
I bugg gjekk 7 av 9 påmeldte par vidare til finalen, og der blei det gull på Sindre frå Fana og Iceabella frå Os, begge frå Os Swingklubb.
- Det var eit flott arrangement, med bli kjent-fest fredag og dansing frå 9 om morgonen til 19 om kvelden laurdag, fortel noregsmeistaren.