Gode skøyteforhold
Ei veke med vinter og sol: – Isen er 25-30 cm tjukk, seier John Lepsøy.
Det er strålande vintervêr i Os og i dag kom trygg is-skilta opp igjen, for ørtende gong denne vinteren.
– Eg har målt isen på Banktjørn og Ulvenvatnet i dag, og no har dei to laga frose saman og isen er 25-30 cm tjukk, seier John Lepsøy, frivillig is-målar i Os.
– Men ha respekt for buskar som er sett opp som grense rundt utrygge område, åtvarar han.
– Under Mobergsbrua er det nesten rett i ope vatn, hald deg eit stykke sør eller nord på Ulvenvatnet!
Det er meldt skyfri himmel, nesten vindstille og minus 1-2 gradar fredag og laurdag.
Frå søndag til onsdag skal det bli lettskya og halda seg kaldt. Det er venta skyer og nokre få gradar varmare frå midten av veka, ifølgje Storm.no.