God kunsthandel på Oseanamarknaden
Frå skulptur og dekor til tekstil og annan brukskunst er i utvalet på Oseanamarknaden.
Bildeserie:
Klokka 12 i dag opna Oseanamarknaden, der 13 kunsthandverkarar stiller ut i Oseanasalen.
– Handelen har vore veldig god til no, seier Elin Roti, som stiller ut med eigen design silketrykk på silke importert frå Kina.
Fargane lager ho òg sjølv. Silken er av ulik kvalitet med prisar frå 300 til 1050 kroner skjerf.
– Det er rammetrykk på silke, men det blir framleis kalla silketrykk, sjølv om den gamle silketrykk-metoden ikkje er vanleg lenger.
Frå Bryggen til Mobergsneset
Kunsthandverkarane byr på alt frå tekstil til keramikk. Ei anna Elin, Elin Brudvik frå Galleri Brudvik på Bryggen i Bergen, stiller ut med skulpturar, teikningar og brukskunst.
– Eg har nok mitt eige uttrykk, det går igjen frå teikningane til det tredimensjonale, seier Elin.
Arrangementet er akkompagnert av musikalske innslag, av Os skulekorps sine aspirantar og av Old Timers Bigband.
Frå klokka 12 til 14 har det òg vore action i vasskanten.
Midtsiden kjem tilbake med video og bildeserie frå Osbadet si hinderløype i Mobergsvikjo.
Oseanamarknaden held fram til klokka 18 i dag. Så startar bryggedansen framfor Os Sjøfront på nabotomta.