Gløymde ein kategori

Onsdag la folka bak Havfest ut meldingar på facebook om at billettar til dei under 30 år kosta berre 150 kroner.

Med framleis ein god del billettar tilgjengeleg kunne det sjå ut som eit desperat forsøk på å trekka fleire folk.

– Nei, nei, nei. Det er ikkje det. Vi har ikkje dumpa prisene.

– Det som har skjedd er at Festspillene i Bergen ønskjer å trekka fleire unge til alle arrangementa. Difor har dei laga ein eigen billettkategori for dei under 30 år med ein makspris på 150 kroner uansett kva type arrangement det er.

– Dette hadde vi rett og slett gløymt å kommunisera ut, sjølv ikkje assistenten min Liv hadde fått det med seg, beklager ein litt flau produsent for Havfest, Lisa Nøttseter.

Billettservice-krøll

Meir uroa er Nøttseter for dei problema dei har hatt hos billett-leverandøren billettservice gjennom pinsen.

– Vi fekk tilbakemeldingar frå folk om at dei ikkje kom gjennom bestillingsprosessen på nettet i helga.

– Salstala frå sundagen sa at vi hadde seld 0 billettar, noko som vi syntest var rart i og med at salet var stigande.

– Det viste seg at dei hadde hatt ein feil i systemet, som blei retta opp då vi og Festspillene tok kontakt, så no skal det igjen gå an å bestilla på nettet.

Les òg: Ein heilt ny Havfest

Då Midtsiden snakkar med Nøttseter onsdag sit ho spent og ventar på dei siste dagars tal frå billettservice for å få stadfesta at salet har tatt seg opp att.

– Om noko framleis får problemer ber vi om at dei kontaktar oss umiddelbart anten på facebook eller via heimesidene til operaomnia.

– Uansett går det an å kjøpa billettar i resepsjonen på Oseana når den er open, avslutter Nøttseter mellom prøvene.