Glømte handbrekket

Klokka 16 laurdag ettermiddag fekk politiet melding om ein VW Golf som låg på sida ved Lyssandfabrikken.

– Den skal ha trilla utanfor ein kant og ha velta på parkeringa nedanfor.

– Det kan sjå ut som bilførar har glømt å sette på handbrekket, fortel operasjonsleiaren ved Hordaland politidistrikt.

Forsikringssak

Politiet var i kontakt med bilføraren som meinte han hadde satt på handbrekket.

– Det er ikkje mistanke om rus.

– Det var heller ikkje personskade, så dette er meir ein forsikringssak enn ein politisak, avsluttar operasjonsleiaren.

Tauebil blei rekvirert og fekk golfen på rett kjøl.