Gjekk nok ein god 5000 meter
Beijing: Sverre var endå raskare enn i verdscupopninga.
Sverre Lunde Pedersen fekk nok ein 5. plass i verdscupen, som denne helga går av stabelen i Beijing.
I Japan førre helg viste han at han er tilbake i same slag som i VM-gull-sesongen for fem år sidan.
Han gjekk i dag i mål på 6.18,58 mot 6:19.42 i Japan førre helg.
Han er òg tettare på vinnar, 7,18 bak mot +8.43 i verdscupopninga.
Sander Eitrem var beste norske og tok 3. plass med tida 6.15,42. Hallgeir Engebråten fekk 6. plass med 6.18,94.
Lista over dei fem beste er identisk som førre helg. Patrick Roest vann på tida 6.14,25, Davide Ghiotto tok 2. plass med 6.15,42 Ted-Jan Bloemen tok 4. plassen.
Fredag kom Ragne Wiklund på 5. plass på 1500 meter og Sander Eitrem på 4. plass på same distanse.
Neste verdscup er på heimebane i Stavanger i starten på desember.
Verdscupkalenderen:
10. - 12. november: Obihiro, Japan
17. - 19. november: Beijing, Kina
1. - 3. desember: Stavanger
8. - 10. januar: Tomaszów Mazowiecki, Polen
26. - 28. januar: Salt Lake City, USA
2. - 4. februar: Quebec, Canada
Meisterskap: EM i Heerenveen 5. til 7. januar, VM enkeltdistansar i Calgary 15. - 18. februar og VM allround og sprint i Inzell 7. til 10. mars.
