Går ned til to dagar i veka

Bjørnafjorden kommune reduserte opningstidene på teststasjonen i Røde Kors-huset noko i overgangen frå mars til april, og reduserer yttarlegare frå 1. mai.

Dei nye opningstider ved teststasjonen i Kolskogen frå 1. mai er:

Måndag og torsdag klokka 13.30 til 15.30.

Test- og vaksinetelefonen vil vera open i same tidsrom, og du kan henta sjøvtestar der. Utanom opningstida vil teststasjonen ikkje vera bemanna.

Teststasjonen i Eikelandsosen har ope for testing etter avtale på ettermiddagstid.

4 nye tilfelle i går

Ifølgje VG si oversikt blei det påvist 4 nye smittetilfelle i går.

Til saman dei siste 14 dagane er det påvist 30 positive covid-19-testar i Bjørnafjorden kommmune.

Hugsar du kor mange smittetilfelle vi hadde per veke då vi frå veke 6 til 8 var øvst på smittetoppen?

Les ògDen siste koronarapporten

Forlenger avtalen

– Sjølv om pågangen til teststasjonane for tida er liten, er kommunen forplikta til å oppretthalda kapasitet til å PCR-testa éin prosent av innbyggarane per veke, opplyser informasjonsavdelinga.

Dette betyr kapasitet til å ta om lag 50 testar i døgnet.

Bjørnafjorden kommune har derfor forlenga leiga av Røde Kors-huset i Kolskogen med seks månadar.