Lokal | 19. apr. 2013
Fusingar i ferjekø
Ras ved Tysse skapte lang kø på Hatvik fredag ettermiddag.
Kjetil Vasby Bruarøyfredag 19. apr. 2013 23:03
Fredag mellom klokka 18 og 19 fekk Midtsiden fleire meldingar om lang kø på Hatvik.
– Det var rundt 40 minutt med kø for å koma seg ned på kaien, fortel ein innringar.
Årsaka til auka trafikk på vegen er eit ras på fylkesveg 48, vegen frå Samnanger og Tysse til Fusa.
Ifølge BT.no fredag formiddag hang vegen i lause lufta etter raset.
Dermed måtte fleire av dei som plar kjøra over fastlandet heim til Fusa legga ruta om Os og ta ferje frå Hatvik. Andre kom frå sør og kjørte om Mundheim.
Vegtrafikksentralen sa tidlegare i dag at vegen tidlegast kunne opnast fredag kveld.