Politi | 14. juli 2023
Funnen på rek - stolen under festival
Politiet i Os fekk melding om båt på rek. Kystvakten visste kvar den høyrde heime.
Kjetil Vasby Bruarøyfredag 14. juli 2023 09:13
Torsdag formiddag i 10.50-tida fekk politiet melding om ein båt på rek i Bjørnafjorden.
– Det var ei jolle med påhengsmotor. Motoren var vippa opp, så vi mistenkte at den hadde slite seg frå hamna den høyrer heime i, opplyser politioverbetjent Anne Lyssand.
Båten blei taua inn til Os hamn.
Seinare fekk politiet melding frå Kystvakten om at båten var tjuvgods.
– Den var blitt stolen under Tysnesfest, og ville bli henta av eigar. Tjuveriet blir også meldt.
