Fullt hus på fotoutstilling
Alarmen gjekk i Oseana i går. Fotografane gliste.
Bildeserie:
Det blei trongt i kunstutstillinga i Oseana laurdag.
Os Fotoklubb hadde vernissasje og rundt 200 møtte fram for å få med seg opninga av utstillinga av 70 bilde frå 19 av klubbmedlemmane.
– Dette var overveldande. Vi i klubben gjekk berre rundt og gliste til kvarandre, vi var så nøgd, seier formann i klubben, Tommy Sælen.
Vernissasjen starta med fin opningstale av programsjef i Oseana, Berit Steen, og minikonsert av Myrna Braza med band.
Med før musikarane sleppte til gjekk alramen. Ikkje brannalarmen, men tjuverialarmen som er montert på fleire av dei kostbare verka i Griegsamlinga.
– De må ikkje røra måleria, sa Steen, med adresse til dei mange nyskjerrige ungane som var med på kunstmuseumet i går.
– Det gjeld forsåvidt bilda i utstillinga vår òg, skaut Tore Njøten frå fotoklubben inn, og hausta mykje latter i salen.
Og, ja, det blei også selt bilde i går, på første utstillingdag. Utstillinga står til 15. januar.