Fulle båtfolk la til kai mens politiet såg på

Tysdag i 21.30-tida kom ein båt inn Os hamn, med passasjerar i festleg lag.

Men det var ikkje berre passasjerane som hadde fått seg noko å drikka.

Politiet var i hamna, og observerte kven av dei om bord som køyrde båten, og gjekk i dialog då dei la til land.

– Båtførar blåste til godt over lovleg verdi, og blei tatt med til legevakt for blodprøvetaking, fortel politiførstebetjent Sindre Lekven Hallem.

Promillegrensa til sjøs er 0,8.

Båtførar, ein mann i 40-åra frå Fusa-sida av kommunen, er mistenkt for å ha køyrd båt med over lovleg promille.

• Les òg: Kva konsekvens får tap av retten til å køyra båt?