Full stopp etter busshavari i Lysefjorden
Sperrevik: Bilistar har stått i kø i nesten ein time.
Bildeserie:
– Ftlkesveg 163 Sperrevikvegen er stengt grunna berging av ein havarert buss, fortalte Vegtrafikksentralen klokka 16.11 tysdag ettermiddag.
Ein Tide-buss sto fast i krysset mellom Sperrevikvegen og Lyseklostervegen, på veg opp Sperrevikvegen retning Nordvik.
Det blei raskt kø på begge vegane inn til krysset. Men det blei inga rask løysing.
På Trafikkmeldinger Fanafjell blei det skrive dette klokka 16.20:
Ikke kjør over Fanafjellet nå! Totale kaos i Lysefjorden, krysset ved brua. Turistbuss på halv åtte.
Klokka 16.48 fekk vi melding om framleis lange køar.
– Eg ser at det er bilar som prøver å rygga og snu, men det er ikkje enkelt i dette området, i alle fall ikkje når det står så mange bilar i kø frå før, seier eit vitne på staden.
– Vi har fått høyra at det er bergingsbil på veg over Fanafjellet, men at denne må snu og rygga ned.
Vegtrafikksentralen stadfestar dette.
– Bilbergar sa klokka 16.05 at han kunne vera der om ein time, så den burde vera der no snart, seier vakthavande hos vegvesenet.