Full mann og fleire seljarar
Søndag morgon fann politiet ein mann i 50-åra i ei grøft på Søfteland, søndag kveld kom melding om fleire utanlandske dørseljarar.
I helga har politiet blant anna tatt ein mann for promillekjøring og fått melding om ei dame som stakk frå drosjerekninga på Drange.
Søndag morgon klokka 05.55 møtte patruljen ein mann i 50-åra som nærmast låg i grøfta på Søfteland.
– Han var ute av stand til å ta vare på seg sjølv. Han blei overtatt av helsevesenet, fortel Tom Johannessen.
Fleire dørseljarar
Søndag kveld fekk politiet fleire meldinger frå folk som hadde seljarar på dørene.
Både i Larsavegen, Byvegen og Varåsen var det utlendingar som ville selja varer.
– Vi var ikkje ute og leita etter desse i går, men det er nyttig at folk melder ifrå.
– Har vi høve til å rykka ut så kan vi få sjekka dei opp.