Full fart i 12 timer
Bildeserie: Eit yrande liv har prega Nore Neset Aktivitetshus søndag med handballturnering for 6 og 8 åringar.
Bildeserie:
Aktivitetsnivået var høgt då Midtsiden vitja Nore Neset Aktivitetshus søndag ettermiddag. I hallen gjekk det to parallelle kampar på var si minibane.
– Nett no er det jenter 8 som spelar. Tidlegare i dag har vi hatt gutar 8 og gutar 6, fortel Jarle Heltne, dagleg leiar i Nore Neset IL.
– I den eine klassa har vi òg hatt både øvd og uøvd, så totalt er det fire ulike klasser som har vore i sving.
– Med så mange klasser og lag blir det vel ein lang dag?
– Ja, vi starta klokka 9.20 i dag tidleg og er ferdige i 21-tida i kveld, men då har vi med ein J16-kamp òg. Miniturneringa er ferdig omlag klokka 19, så det blir ein lang dag for dei som har gått vakt heile dagen, seier Heltne.
Alle dei fire håndballklubbene i bygda, Øyglimt, Nore Neset, Lysekloster og Os Turn har vore i sving med fleire lag i løpet av dagen.