Full bilførar stoppa på Søfteland
– Han framsto som godt skjenkt, seier politiet.
Tysdag kveld fekk politiet tips om vinglete køyring på Byvegen nord for Os sentrum.
Ein patrulje rykte ut og stoppa bilen på E39 på Søfteland, mellom Stilvoll og Røykenes, klokka 20.11.
– Bilførar framsto som godt skjenkt, opplyser politioverbetjent Audun Hadler-Olsen.
Bilførar, ein mann i 40-åra (som ikkje er frå Os), blei tatt med for blodprøvetaking og er mistenkt for promillekøyring.
Det står ikkje notert om han hadde førarkort frå før. I så fall er det tatt beslag i dette.
Kvinne mista lappen
Tidlegare på kvelden, i 18-tida, blei ein bilførar stoppa på E39 Halhjemsvegen.
Også her var det meldt om vinglete køyring.
– Det blei av helsemessige årsaker tatt beslag i førarkortet til bilførar, som er ei kvinne i 40-åra, fortel politiet.