Fryd og latter i Dalen

I sin 65. sesong på landevegen med Cirkus Arnardo har cirkusdirektør satt sitt preg på programmet med to viktige begrep i cirkusverda: Fryd og latter.

– I år smører vi tjukt på med klovnetrioen Rivelinos og ein kar som mange kallar for Chaplin sin arvtakar, Davis Vassallo.

– Med Rivelinos kjem gags og overraskingane tett som hagl, såvel musikalsk som med saftige bløtkakekasting.

– Davis er eit kapittel for seg sjølv. I si lydlause framtoning får han forsiktige smil til å bli rungande latter, fortel Arnardo.

Elefantar og kamelar

Cirkus er for mange å oppleva dyr på nært hald i manesjen. Enkelte vil hevda at dyr på cirkus er dyreplageri, men det er ikkje direktøren einig i. Han forlangar god dyrevelferd, noko som blir stadfesta i tilsynsrapportar frå Mattilsynet.

– Slik må det vera. At vi, etter svært hyppige besøk og kontrollar kan sitja og vera trygge på at dyra har det godt er noko som betyr mykje for oss.

– Utan det vil heller ikkje samspelet i manesjen fungerar heller, meiner cirkusdirektøren som har med seg elefantar, hundar, hestar, kamelar og duer i årets framsyning.

– Elefantane er jo sjølvsagte og vårt tyngdepunkt.

– Men Andrejs Fjodorovs og duane hans er noko vi aldri har sett makan til. Ein ekte dueviskar som set i gang ein utruleg dueballett, det er berre å gle seg, avsluttar Arild Arnardo som òg lovar fartsfylte innslag både i manesjen og oppunder cirkuskuppelen.