Frontkollisjon på E39
Tre bilar og fem personar er involvert. Trafikken står i begge retningar.
Torsdag i 16.40-tida kom det melding om trafikkulykke på E39 Byvegen, mellom Os og Søfteland.
– Vegen er stengt i begge retningar, opplyste Vegtrafikksentralen før politiet supplerte;
– Det er tre bilar som er involvert, to av dei har frontkollidert. Det er til saman fem personar i bilane.
Ein bil skal ha køyrd i bakenden på bilen framfor, som då blei skubba over i motsett felt og kolliderte med møtande bil.
Det er foreløpig uklart om nokon er skadd.
Ifølgje Google Maps si trafikkovervaking er det kø frå UnoX retning Bergen og frå krysset ved Gåssand retning Os.
OPPDATERT: Éin av dei fem i bilane sa han var heilt uskadd, tre personar hadde sår eller lettare skadar, og blei tatt til Haukeland for sjekk. Det er ikkje mistanke om promille, men det er tatt beslag i førarkortet til førar av ein av dei tre bilane, ein mann i 40-åra.
