Front mot front i Kolskogen
To bilar frontkolliderte torsdag ettermiddag i krysset Kolskogen - Industrivegen.
Bildeserie:
Torsdag ettermiddag gjekk alarmen etter at to bilar frontkolliderte i krysset mellom Industrivegen og Kolskogen. Politi, ambulanse, legevakt og brannvesenet rykka ut til ulykka.
Klokka 15.47 meldte 110-sentralen på twitter: «Os. Industrivegen X Kollskogen. Trafikkulykke. 2 biler i front kollisjon. Ingen fastklemte.»
Minuttet seinare kom politiet med ei oppdatering av situasjonen: «Os: Industrivegen - Kolskogen: Trafikkulykke, front mot front. De involverte er bevisst, klager på nakkesmerter. Nødetatene er på veg.»
Det skal vera ein personbil som øvekøyrde som kolliderte med ein varebil.
Vegen er omkøyringsveg for trafikken på fylkesveg 160 Ulvenvegen no når ny E39 til Bergen er under utbygging.
Bilane står i Industrivegen ned mot barnehagane og Kuventræ. Trafikken blir dirigert forbi ulykkesstaden.
Det var varabrannsjef Arne Monsen, i sivil, som kom først til ulykkesstaden.
– Det var to personar i kvar bil. Jenta som øvekøyrde klaga over smerter i nakken, fortel Monsen til Midtsiden.no