Lokal | 07. sep. 2013
Fri flyt på Drange
Teknisk vakt fekk melding om utslepp på Drange, og veit førebels ikkje kvar det stammar frå.
Kjetil Vasby Bruarøylaurdag 07. sep. 2013 09:46
Fredag ettermiddag fekk Midtsiden melding om utslepp som rann ut i sjøen på Drange.
– Det ser ut som om det er dopapir og annan kloakk som flyter ut i vatnet, sa meldar, som blei vist vidare til teknisk vakt i Os kommune.
Os kommune rykte ut med det same, men veit førebels ikkje kva utsleppet er eller kvar det kjem frå.
– Det er i eit område med privat avlaup, og dei som bur i nærleiken var ikkje heime, seier Hong Nguyen.
– Men det ser ikkje ut som kloakk og det som liknar dopapir er noko anna, legg han til.
Os kommune vil sjå nærmare på utsleppet over helga.