Fredrik i A-troppen
Osingen Fredrik Heggland kan søndag få sin Tippeliga-debut borte mot Vålerenga.
Søndag speler Brann borte mot Vålerenga. I troppen som blei publisert på Brann.no fredag finn vi osingen Fredrik Heggland (17).
Saman med den andre osingen på Brann, Simen Lassen, tok han i august dei to ledige plassane på B-lista til Brann.
No kan Fredrik få sin debut.
– Dette skjedde nok tidlegare enn venta, men det er no dette eg jobbar for, så det var veldig kjekt å få beskjed på trening i går kveld at eg låg an til å bli tatt ut, seier midtstopparen til Midtsiden.
Simen Wangberg er uaktuell til kampen søndag, men Brann-kaptein Markus Jonsson er tilbake. Også ungdomen Håkon Lorentzen er med i troppen.
Startellevaren er førebels ikkje kjent.
– Eg reknar med å starta på benken, blant anna fordi eg speler NM-kvalik med juniorlaget til Brann mot Molde laurdag, seier Fredrik.
Kampen mot Vålerenga startar klokka 18 søndag kveld.