Fråtatt førarkortet
Den eine sjåføren som var involvert i ulykka ved Lepsøykrysset tysdag er fråtatt førarkortet, mistenkt for uaktsam køyring.
Tysdag klokka 12. 27 kolliderte to personbilar og ein semitrailer i Lepsøykrysset ved E39.
– Føraren av den eine bilen, ein mann, har fått beslaglagt førarkortet mistenkt for uaktsam køyring, fortel politioverbetjent Audun Hadler-Olsen.
Mannen som er fratatt førarkortet kom køyrande sørfra frå Halhjem og skulle svinge inn på Lepsøyvegen.
– Han har ikkje tatt nok omsyn til at det kom ein bil frå nord retning Halhjem då han svingte over. Dei to bilane krasja og går begge inn i semitraileren som sto og venta på å køyre ut på E39, forklarar Hadler-Olsen om kva som skjedde.
– Ein person blei lettare skadd, så vi har rutinemessig oppretta sak. Det er ikkje mistenke om promille.