Lokal | 18. jan. 2021
– Framstår som gutestrekar
Politiet mistenker verken tjuveri eller hærverk etter episoden laurdag.
Kjetil Vasby Bruarøymåndag 18. jan. 2021 09:56
Laurdag i 14.30-tida rykte politiet ut på melding om mogleg innbrot på Os ungdomsskule.
Dei fekk kontroll på tre ungdomar på staden, og undersøkte korleis dei kom seg inn.
– Dei involverte er tre gutar i ungdomsskulealder. Foreldre blei kontakta. Det er ikkje mistanke om verken tjuveri eller hærverk, det heile framstår som gutestrekar, seier politioverbetjent Atle Birkeland.
Det er ikkje teikn på innbrot. Korleis gutane kom seg inn er uvisst, men det er mogleg at dårlege eller sviktande låserutinar har gjort at dei kom til open dør.
Politiet koplar heller ikkje hendinga opp mot brannen som starta i eit bosspann klokka 17.55 onsdag.