Framleis kokevarsel etter leidningsbrot
Vassprøvar er sendt til Bergen Vann for analyse.
Anbefalinga om å koke drikkevatnet gjeld fram til du får melding om oppheving, skriv kommunen på sine nettsider.
Dersom du fekk SMS frå kommunen med anbefaling om å koke drikkevatnet i går, gjeld denne anbefalinga fram til du får melding om at kokeanbefalinga er oppheva.
Når det oppstår brot i vassleidningar, kan det vere fare for at forureina vatn kjem inn i leidningsnettet.
Fosskoking av vatnet i eitt minutt drep eventuelle mikroorganismar som virus, bakteriar og parasittar.
Vassprøver er sendt til Bergen Vann for analyse. Når laboratoriet seier at drikkevatnet er trygt, sender vi melding til alle aktuelle abonnentar.
Alle vassbrota i Os er no reparerte og vegane er opne som vanleg.
Noko asfaltering står att etter gårsdagens gravearbeid, men dette tar entreprenørane etter kvart.
Les også: Drikkevatn i Bjørnafjorden kommune og kva du gjer ved kokeanbefaling/-varsel.
