Frå fisk til storfe
Søre Øyane Naturbarnehage fekk gardsbesøk i premie. Både lydane og lukta overraska gjestane.
Dei er vant med både fisk, skaldyr og natur, dei siste åra har det òg dukka opp både grisar, sauar og geiter i ulike hagar og eldre gardsbruk i skjergards-krinsen Øyane.
Men besøket på garden hos Erlend Moberg skapte likevel begeistring hos ungane frå Søre Øyane Naturbarnehage.
Førsteinntrykket var idyllisk, med sitjegruppe av høyballar utandørs, ved nabo Bjørn Moberg sine sauar og lam på beite.
I floren var det enkelte som beit seg merke i aromaen, men duften av dyr var fort gløymd då dei fekk koma tett på både nyfødd kalv og små lam.
– Barnehagen er ein av dei som deltok i potetdyrkekonkurransen i forkant av Bondens Dag i fjor. Gardsbesøk er premie og vi er fleire gardar i Os som i desse dagar tar imot ulike barnehagar, fortel Erlend Moberg.
I videoen over ser du stemningsrapport frå besøket.