Første gong på 27 år: Nedgang i mengda personbilar
Størst nedgang i Oslo. Vestland er på 3. plass.
Ved utgangen av 2023 var det registrert 2.876.692 personbilar i Norge, viser tal frå SSB.
Det er ein nedgang på 29.320 i forhold til 2022.
2023 er første gong sidan 1996 at mengda registrerte personbilar gjekk ned samanlikna med foregåande år.
Nedgangen skjedde trass i at det blei 103.300 fleire el- og hybridbilar i 2023 samanlikna med 2022.
Det blei nemleg 132.526 færre bensin- og dieselbiler i same periode.
Få nye bilar og dobla eksport
– Nedgangen kan sjåast i samanheng med lågare nybilsal og auka bileksport frå Norge, seier seniorrådgiver Geir Martin Pilskog i Statistisk sentralbyrå.
Han nemner òg to andre faktorar.
– Dårlegare privatøkonomi førte til utsetjing av bilkjøp hos mange, og derfor færre førstegangsregistrerte personbiler. Dessuten gjer svak norsk krone det attraktivt å eksportera bilar.
Eksport av personbiler frå Norge blei omtrent dobla fra 2022 til 2023, frå nesten 20.000 til over 40.000 bilar.
I same periode gjekk mengda førstegangsregistrerte personbilar ned med nesten ein tredel, frå 192.829 til 130.973 bilar.
Oppgang i to fylke
Med unntak av Agder og Rogaland blei det færre registrerte personbilar i alle fylke.
Oslo hadde størst nedgang med 17.731 færre registrerte personbilar (5,8 prosent) i 2023 samanlikna med 2022.
På dei to neste plassane kjem Viken (3.921 bilar, 0,5 prosent) og Vestland (3.107 bilar, 1 prosent).
