Forlik om Oseana
Os kommune og konsulentselskapet COWI er einige om forlik i tvista omkring arbeid på Oseana.
Os kommune som byggherre og COWI som prosjekterande konsulentfirma har i lengre tid hatt ein pågåande tvist knytt til arbeid utført på Oseana kunst- og kultursenter.
Onsdag blei det kjent at dei to partane har kome til einigheit om eit forlik.
-Vi er svært nøgde med utfallet av saka.
- Os kommune har hatt ei god sak, og prosjektorganisasjonen har etter vårt syn fremja byggherrens interesser på ein profesjonell og god måte, seier ordførar og leiar av byggekomiteen Terje Søviknes.
Krav og motkrav
Bakgrunnen for saka var at COWI fremja eit tilleggskrav om honorar som Os kommune bestridde. I neste omgang fremja Os kommune eit erstatningskrav og førebudd ei stemning av COWI knytt til manglar og feil ved deira leveranse.
-Det er generelt viktig at kommunar og andre offentlege aktørar er tydelege i sine krav overfor leverandørar av varer og tenester til fellesskapet.
- Det har Os kommune vore i denne saka, slår Søviknes fast.
Partane er no samde om ei minneleg løysing på konflikten, som resulterer i at COWI fråfell heile sitt tilleggskrav og at Os kommune får utbetalt eit kontantbeløp til dekking av erstatningskravet.
Beløpa sin storleik skal i følgje forliket haldast konfidensielt.