Førebudd på byggekonkurranse

Bildeserie:

Full skjerm

1 av 7

I veka som kjem opnar Byggern i Industrivegen. Tala til Gamle-Byggern, Os Byggsenter, ser ut til å seia at det er plass til fleire.

Selskapet Optimera kjøpte i 2014, og innlemma i Montér-kjeda, auka nemleg talet på hus-kontraktar frå 20 til 35. Fleire av kontraktane var på fleirmannsbustadar, til saman leverte Montér materialar til heile 64 bustadar i 2015.

– Også 2014 var eit godt år, trass i at vi ikkje hadde noko huskatalog å by på, fortel dagleg leiar Stig Atle Gjøvåg.

Frå 2014 til 2015 auka omsetnaden frå 60 til 75 millionar kroner.

– Konkurranse har vi alltid hatt, både frå Bergen og Fusa. Det er naturleg at det kjem fleire til Os med den veksten kommunen har i folketal.

Eigen arkitekt blei nøkkelen

Salet av hus har auka frå Hibahus-tida med Byggern via Blink-hus som XL Bygg-medlem til no, med Vestlandshus.

Men i perioden før Vestlandshus kom i hyllene, og etter, brukte Montér ein annan nøkkel for å få døra til bustadmarknaden på vidt gap.

– Arkitekten vår har teikna over 300 ulike bustadhus. Ho sit saman med seljarane, er med i møtene og ut reiser ut på tomtebefaring. Løysingane hennar fell verkeleg i smak både hos kjøparane og hos tømrarane som bruker oss fast, seier Gjøvåg om Ieva Vanaga.

Bygde om lageret for to millionar

Montér har både inne-butikk og ute-butikk. Innandørs har satsinga på eigne merke vore suksess, verktøy og festemateriell direkte frå fabrikk med gunstig pris til sjølvbyggaren.

– Det er ikkje alle hobbysnekkerane som treng kubein til 500-600 kroner, dei klarer seg gjerne med eitt til under hundrelappen.

Sjølvbyggaren har, som proffkundane, ein eigen kontaktperson på trelasten. Sigbjørn Bakervik hjelper til med tips og råd i ein nyleg ombygd ute-butikk.

– Hovudforskjellen er at vi har skifta frå grein- til innstikkhyller, noko som gjer at vi både har fått betre orden og langt bedre plass til varer. Vi har nå på plass ett bredere vareutvalg en tidligere.

Det er brukt to millionar kroner på utbetring av trelasten.

– I tillegg har vi bygd ei bu å saga i utanfor hovudhallen og et tak på 35 x 7 meter, som gjev oss avlasting innandørs. No slepp kunden å gå i andreetasje for å sjå på lister, alt står stabla tett på butikken.

Takkar (og åtvarar) Os kommune

Regionsjef Ole Jørgen Mo seier Os kommune er ei viktigare brikke i det som er den største næringa i Os enn kva dei kanskje er klar over.

– Du skal ikkje lengre enn til Bergen før du ser kommunen selja tomteområda sine i så store stykke at ingen halvstore utbyggarar har sjanse til å kjøpa eller utvikla desse. Små og mellomstore tømrarfirma har som oftast ikkje 10 millionar kroner dei kan låsa opp i eit prosjekt, dermed stikk dei store av med jobben og arbeidsplassane.

– Det er unntak i Os og, som Bjåneshalvøya, det blir neppe mange osingar som skal bygga desse tusen bustadane. Heldigvis har det til no vore bra utval av mindre område, lat oss håpa at det held fram, seier Mo.