Førarkortbeslag og 25 forelegg

Utrykningspolitiet hadde to fartskontrollar med laser i Os i går.

Frå klokka 17 til 20 sto dei ved Thuen i 50-sona på Lepsøyvegen.

Her blei det 11 forenkla forelegg og eitt førarkortbeslag. Vedkomande som mista førarkortet blei målt i 87 km/t.

14 forelegg på Halhjemsvegen

Seinare på kvelden, frå klokka 21 til 23, sto UP på Halhjemsvegen og målte farten på bilane retning sør i 50-sona ned mot rundkøyringa og ferjekaien.

Det blei skrive 14 forenkla forelegg.

Høgaste målte fart var 69 km/t i 50-sona, noko som kvalifiserer for 4200 kroner til statskassen og tre prikkar på førarkortet.