Fonos fylte Oseana
VIDEO: Torsdag hadde Fonos sin første konsert i Oseana - og fylte storsalen med nesten 400 nøgde publikummarar.
Bildeserie:
Fonos' har fylt Os kyrkje fleire gongar, og torsdag inviterte det populære koret til sommarkonsert i storstova Oseana.
SJÅ VIDEO NEDST I ARTIKKELEN
– Vi tenkte "wow" då vi høyrde at vi hadde selt 280 billettar på førehand, og då det kom 100 til som kjøpte billettar i døra blei det kø og litt forseinkingar, men noko vil blei veldig glad for, seier Fonos-dirigent Stine Kobbeltvedt.
Stine fortalte, som fleire av solistane, små historiar i forkant av låtane. Med personleg touch og glimt i auget kom koret tett på publikum og tok salen med på kvar note, frå vakre poplåtar og balladar til livleg gospel.
Ha meg til eg dør
Ut av ermet drog dei ORBO, Ole Renert Berg Olsen, som koret har vore i studio med for å kora på det første norske ORBO-albumet, Steingard.
ORBO song naturlegvis låta han har Fonos med på, Ha meg til eg dør, og fortalte historia bak låta, om dottera på tre år som sat og malte og fekk spørsmål om ho trudde mamma ville lika maleriet hennar.
"Det betyr ikkje så mykje, for du må ha meg uansett".
Fonos fekk ståande applaus etter siste låt, og la på med to ekstranummer.
VIDEO: Sjå knappe seks minutt av torsdagens konsert. (Foto: Kjetil Vasby Bruarøy)