Folksam galskap
Bildeserie: Arne Mæland kaller i ein humoristisk tone skulptursymposiet for galskap. Laurdag enda galskapen med at kjøparane fekk velja skulptur.
Bildeserie:
I to veker har ti kunstnarar arbeidd i vognhallen med å skapa dei vakraste skulpturer i marmor, granitt og tre.
– Dette er galskap. Kjøparane som finansierer det heile veit ikkje kva dei får eller kven som kjem når dei seier ja. Men det er galskapens augeblikk ein hugsar, helsa Arne Mæland då trekninga skulle skje tidleg laurdag ettermiddag.
Mæland fortalde vidare om korleis dei to vekene hadde vore. Med arbeid, hygge og fiske.
– Vi har spist makrell til kvar einaste måltid. Det har blitt sagt at dei fresta å ta livet av meg med markrell, smilte Mæland som takka alle som har opna heimane for kunstnarane og som har sponsa arrangementet med midddager og meir til.
– Eg er imponert
Ordførar Marie Bruarøy (H) helsa kunstnarane på engelsk.
– Først må eg få helsa til Arne. Du er fantastisk. De lykkast alltid med symposia. Til kunstnarane så må eg få gje uttrykk for kor imponert eg er over arbeida dykkar. De er med på å laga liv på Osøyro ved å stå ute i offentlegheita og arbeida. Folk får koma her og sjå korleis de gjer det. Det har vore interessant å sjå.
– Eg håper de har hatt ei fin stund på Os, helsa Bruarøy før trekninga tok til.