Folkehav i fakkeltog
VIDEO: Fakkeltog og julegrantenninga samla over tusen små og store i Os sentrum fredag kveld.
Bildeserie:
Fakkeltog frå Hamnevegen har vore eit populært tillegg til julegrantenninga i Os sentrum, og mengda faklar har auka frå 200 til 400 på nokre år.
– I år hadde vi faklar til alle, men det er ikkje alle som vil ha, det blir gjerne éin til to per familie, seier styremedlem Lena Stigen Mathiessen.
SJÅ VIDEO NEDST I ARTIKKELEN
Nissen hadde med seg 500 snopeposar, og alle blei delt ut i ekspressfart av nissen sine flinke hjelparar.
– I fjor var det rundt tusen, trur eg, i år var det fleire. Dette er nok rekord, seier ein nøgd leiar i Os Sentrumsforening, Geir Amundsen.
Musikk, gløgg og «gymnastikk»
Ordførar Terje Søviknes gjekk fremst i fakkeltoget i år, og tok både velkomsttalen og nedtellinga til julegrantenninga. Kven som var fyrbøtar veit vi ikkje, men vedkomande var nok litt overtent, og fyrte i lysa eitt sekund for tidleg.
Os Musikkforening spelte ikkje i toget i år, men sørgja for musikken så alle kunne gå rundt den nytente grana.
I fleire butikkvindu i sentrum er det utstilt peparkakehus som barnehagar i Os har laga.
CK Henie hadde rigga seg til med stand og selte gløgg og delte ut peparkaker.
Om to veker er det julemarknad i sentrum. Same helg er det også tid for den nye julefestivalen, der det kjem ny artist på scenen kvar time laurdag og søndag.
Les òg:
Nye lys - nytt tre
Det ser mørkt ut for Borgafjellet
VIDEO: Sjå julegateopninga på to minutt. (Foto: KVB, Midtsiden.no)