Flyttar UKM til Fusa

I desember opna påmeldinga til årets UKM med frist 1. februar for å melda seg på.

Dei tre siste åra har kultureiningane i Os og Fusa kommuner saman stått for arrangementet i Oseana.

Samarbeidet kommunane mellom held fram, men i år med ein ny stad for arrangementet.

– Grunna uforutsette utfordringar i kultureininga vår har likevel ikkje vi kapasitet til å stå for arrangementet i Oseana, som tidlegare annonsert og slik den opprinnelege planen var. Dette beklagar vi, men denne gongen blei det diverre slik, fortel Kjetil Osablod Grønvigh, kulturkonsulent i Os kommune.

– Heldigvis har vi eit godt samarbeid med kulturkontoret i Fusa og dei har tatt over ansvaret for å losa dette trygt i hamn. I år blir det difor Agnes Smørholm og Erik Vangsnes på Fusa som vil ha hovudansvaret og stå for mønstringa.

– Vi kjem sjølvsagt til å bidra også frå Os, mellomanna med lydutstyr og liknande.

Håper på fleire

Osablod Grønvigh fortel om ei påmelding om lag som dei siste åra.

– Det går alltid litt treigt i starten i høve påmeldingar. Eg håpar vi får ein like fin innspurt som vi alltid pleier få no når det nærmar seg påmeldingsfristen, avsluttar kulturkonsulenten.

UKM blir i år arrangert på Breidablikk ungdomshus i Sævareid. Les meir om arrangementet og påmelding på UKM.no