– Fleire utrygge vatn
Os brannvesen har i dag vore på si første ismåling etter nydelegert ansvar. Fleire vatn har is som ikkje er farbar.
– Vi er ikkje heilt ferdige, men har målt både farbar og ikkje farbar is, seier varabrannsjef Arne Monsen.
Han reknar med å vera ferdig med målingane fredag formiddag.
Facebooksida til Os brann, beredskap og legevakt vil vera oppdatert med ferske tal så snart dei er klare.
– Isen er ikkje farbar på Vinddalsvatnet, Ulvenvatnet nord ved Sigurdsvika eller Bjørnavatnet, åtvarer Monsen.
– På Vinddalsvatnet var det til og med mykje ope vatn.
Desse vatna har farbar is (torsdag 14/1):
Banktjørn
Gåsakilen
Strønevatnet (i Nordstrøno, nær skulen ved kryss mot Skipavika)
Ulvenvatnet sør ved Moberg
– Som sagt, vi har ikkje mål alle vatn. Kjem det meir kulde kan fort nokre av dei andre områda bli trygge igjen, seier varabrannsjefen.
Les òg: Desse ni vatna blir målt