Fjellet er kvista og klart
Om du vil ta deg ein skitur i påsken er truleg onsdag og fredag dei mest lovande dagane. – Både i Stølsheimen og Bergsdalen er løypene kvista og klare, seier André Marton Pedersen.
Kvart år gjer tilsette og frivillige i turistforeninga ein enorm innsats med å kviste skiløypene til dei tilsaman 521 hyttene foreninga har spreidd i heile den norske fjellheimen.
– No er dei siste kvistene satt opp i Stølsheimen og Bergsdalen. Dette er terreng som er lett tilgjengeleg for osingane, seier André Marton Pedersen, turglad osing og informasjonsleiar i Bergen og Hordaland Turlag.
Her finn du informasjon om rutene og hyttene og tips til turen.
Blant hyttene og turene turlaget tilrår i påsken er Gullhorgabu og Vending i Bergsdalen.
Les turlaget sine turforslag her.
– Om du vil ha sol i ansiktet er det lurt å starte turen i nord og gå mot sør. Då kjem du heim med eit fint brilleskille, tipsar André Marton Pedersen.
Best onsdag og fredag
Er du godvêrsturist bør du vera om deg i dag onsdag. Vêrmeldingane er gode med sol og lettskya fram til i ettermiddag.
Om du ikkje rekk ut i fjellheimen i dag, eller kanskje ikkje har byrja på påskeferien enno spår meterologane ein ny dag med lettare vêr på langfredag, men det treng ikkje vera strålande sol for å få ein fin skitur.
Nye fjellvettregler
Den Norske Turistforeningen og Røde Kors reviderte fjellvettreglene tidlegare i vinter.
Då hadde dei gamle fjellvettreglene, som kom etter den verste påsken i nordmenns minne i 1967, då heile 18 mennskjer omkom på fjellet, vore fjellturistene sine rettesnor i nesten 50 år.