Korona | 18. mai 2021
Fire smitta på Kongshaug - 120 elevar i karantene
Kommunen bistår skulen tysdag kveld.
Kjetil Vasby Bruarøytysdag 18. mai 2021 22:19
Fire elevar ved Kongshaug Musikkgymnas har i dag testa positivt for covid-19, opplyser Bjørnafjorden kommune.
Smitten blei oppdaga ved rutinemessig g testing av elevar som har vore heime i langhelga.
Kongshaug er ein internatskule, og alle elevane tel som éin kohort. Dei må i karantene i ti dagar. Alle skal testa seg i morgon, onsdag.
Nokre lærarar tel òg som nærkontakt, og må i karantene.
Husstandsmedlemmar til elevar som har vore heime 17. maihelga, og til lærarar som er nærkontakt, må i ventekarantene.
Skulen er privat, men kommunen står for smittesporing og oppfølging. Dei har eige møte med skulen tysdag kveld.
